我的身後事

別擔心，我正常得很，只是節錄了跟Z和C的午間情深MSN對話。

C︰我已經揀左相
我︰咁快？
Z︰係呀，C好樂觀架
C︰一定要揀張自己鍾意架！始終唯一一次
我︰我要好多白色花
Z︰我都要好多花花
我︰我要白色為主
C︰我要開心
Z︰我都要開心，唔準喊
我︰我要每位朋友都講我生平
Z︰吓！講生平好咩？不如播片啦
C︰都好喎，我要播卡通片
我︰我鍾意小丸子
Z︰我要播小忌廉
C︰我想打麻雀呀，好開心架
Z︰好呀，我鍾意打麻雀呀
我︰不如打邊爐啦，我地都鍾意打邊爐
C︰咁不如將破地獄改為BBQ啦
Z︰BBQ打邊爐都唔好，好大陣味架
我︰係呀，佈置我要好多白布白紗
Z︰我要好多花花圍住張相
C︰我要紫色花
Z︰紫色好傷感架
我︰我想加D淺粉紅色花
C︰太陽花呢？
我︰我唔鍾意，白玫瑰就最好
Z︰你地記住呀，我要好多花花呀
我︰我未諗到著咩衫
Z︰未過六十歲要著自己衫，過六十歲就可以著唐衫
我︰我無所謂架，不過無自己鍾意o既衫
Z︰如果唔過六十唔可以著紅衫，會受唔起架。你唔係要著白衫架咩
我︰我唔知呀.. 白衫都好呀
C︰依家唔使諗定著咩衫啦
我︰咁整唔整回禮小禮物好呢？
Z︰唔使啦
C︰係呀，有吉儀架嘛
我︰係喎，吉儀就當回禮小禮物啦，我最鍾意派糖
Z︰仲有壹蚊添呀
C︰仲有手巾仔呢
我︰但係我唔鍾意傳統吉儀封呀，都唔靚，我要訂造
Z︰到時你都死左啦，點訂呀！
C︰可以依家訂定先架
我︰係呀，又唔會過期
Z︰咁咪有排放囉，起碼等幾十年
C︰唔怕，擺得架嘛
我︰係呀，總之我唔要傳統吉儀封啦
Z︰痴線，三個仲生勾勾講D咁o既野！不過我要你地幫我佈置呀…
我︰你唔俾我死先過你架！你幫我佈置就真
Z︰我先呀
我︰我先呀
C︰痴線，死先都爭

係呀，痴線架，我地最少仲有幾十年命呀！

突然想起一首舊歌 - 假動作

昨晚醒了睡了醒了睡了醒了
來了走了驟雨下完了
螢幕慢了快了定了一切逝去了
指標顯示能尋回某一秒
為你傷了壞了死了亂了知覺
還要不要脈膊或承諾
如常悶了笑了倦了哭了罷了
聲音影像原來名寂寞

＊從頭慢慢練習學正常動作
　靈魂缺了仍能動作
　一剎那永遠快樂只得空殼
　如何沉鬱怨恨也儘變得淺薄
　完全迷失懷念你掛念你
　喜悅和憤怒和哀樂　＊

是了非了像了不了未了怎了
成了普天下最壞文學
何時換了角廢掉了撕了舊作
笑這痴人仍徘徊在那幕
Repeat ＊

都只因一個人

【懷念】重生

一個各人早已預計到的消息，一個令我由迷茫困局中走出新天新地的消息。收到了....... 雖然有傷，但已經不痛了。九年的故事終於到了終結時，兩年的經歷亦完結了，這段期間活演了人生中的悲歡離合。

朋友們，在2010年12月1日我獲得重生了。請為我祈禱，請祝福我，因為你們所愛的我，已經放下一切，獲得重生了…… 感謝主讓我今天重見光明，讓我走出困局，帶領我走出死蔭幽谷。我眼前所見的，是祢早已為我預備的新天新地…… 感謝主！

他已死，請忘記！

SplashC with Aloe - 蘆薈維C仙怡樂

曾經跟大家提及過，我有服食維他命的習慣。可惜我很怕吞嚥的感覺，而且我喉嚨比較窄容易被藥丸卡喉，嚴重的話嘔吐大作。所以我從小就是個寧願飲藥水也不要吞藥丸的人呢！因此我沒有食維他命丸已一段時間了。

早前朋友介紹我飲用水溶性的維他命C飲品「SplashC with Aloe - 蘆薈維C仙怡樂」，此產品很適合又懶、又怕麻煩、身子又差、腸胃又差、又需要維他命C、但又不能吞藥丸的我。只要將1量羹份量的SplashC加8安士清水攪拌便可，而且含有蘆薈成功更合我，因為……我需要它囉。朋友又教如剛起感冒時，可加入新鮮檸檬來加強維他命C增加抵抗力。此方法除了美味外，亦沒有我討厭的藥水味呢！

其實我很怕一般市面上的水溶性維他命C飲品，尤其遇水時有「渣」一聲的就更怕。因為我飲後會滿肚胃氣，反而更不舒服呢！

題外話一則，因為蘆薈屬濕性，所以不建議孕婦飲用。

【懷念】氣味

記得曾經有人向我提過，樣子容易令人忘記，名字同樣容易令人忘記，唯獨氣味卻令人難忘。只要嗅到那熟悉的氣味，就會想起那個人、那個地方、那時發生的事……

可恨地，我已忘記那人衣領上的氣味、忘記那人屋子裡的氣味、那人車子裡的氣味、那人淋浴露混合著香水的氣味，我都忘記得一乾二淨。不知是否相隔得太久，曾經令我畢生難忘的氣味都離我而去。

不知某時某刻再重遇那氣味時，會否勾起我往日的回憶呢？其實我還需要那氣味嗎？我找它回來幹什麼？我身上不是已散發了獨特的氣味，足以令我陶醉的韾香！找到它又如何呢？