是咁的！上星期跟寶寶和V先生到旺角新世紀廣場的「Simply Thai」吃晚飯，當晚我這個電燈泡阻礙不到他們的愛情。只好一邊看著他們打情罵悄，一邊聽著令我發麻的攪笑對話，一邊研究餐牌找點樂！
特約篇︰攪笑肉麻特約之「X街」
V︰飲乜野好呢？
寶︰不如你飲青檸梳打呀！
V︰點解？我又唔鍾意呀！(真實的回答我已忘記，不過那不是重點)
寶︰我想飲青檸梳打嘛！X街！
V︰嘩~~ 唔飲唔使X街嘛！
寶︰咁你想飲乜呀？
V︰飲青檸梳打囉！
寶︰你又話唔飲？
V︰我唔想X街！
寶︰Y你飲乜呀？
我︰我都係飲青檸梳打，因為我都唔想X街！
青檸梳打 - 不特別！普普通通的一杯青檸梳打而已，不過我卻喝得滿有樂趣！
大蝦酸辣柚子沙津 - 有點辣，不過柚子及沙津菜都頗新鮮，可惜份量略為少…
椰汁雞湯(二人餐) - 酸酸微辣很醒胃，香茅香充足，不過椰汁香欠奉！
小食拼盤 (二人餐)
軟殼蟹米紙卷 - 軟殼蟹米紙卷很有嚼口
泰式魚餅
辣雞肉碎生菜包 - 夠濕潤夠香辣
泰式椒鹽豆腐 - 明顯是百X出品
沙嗲串燒 (雞、牛、豬) - 好吃，沙嗲醬夠香夠濃！
薄餅(二人餐) - 香脆熱！咖喱的絕配，之後要再添一客！
馬沙文咖喱牛腩 - 一般好吃，又像咖喱又像沙嗲的東西！
海南雞半隻及雞香飯(二人餐) - 海南雞做得夠嫩滑，反而海南雞的醬油一般貨色！平常我吃海南雞一碟醬油也不夠，這裡的醬油我蘸了一兩口。
二人餐還有「蝦醬炒通菜」不過我又忘了拍照…
我和寶寶是甜品狂迷，飯後一道甜品甚能缺少呢…
香芒黑糯米‧椰汁忌廉 - 賣相很給力啊！味道又不是不好… 一般啦！我和寶寶同樣比較喜歡白糯米，另外椰汁忌廉根本就是椰子汁而已，可憐的黑糯米浸在水汪汪椰汁裡…
買單合共約$610(連加一)
有說有笑有愛有肉麻有糖黐豆有粗口的一餐晚飯，足以讓我和寶寶忘記晚餐前的傷痛！
心‧泰 Simply Thai
地址︰旺角太子道西193號新世紀廣場5樓533號舖
電話︰2396 6569
菜式︰泰國菜
沒有留言:
發佈留言